Bang BeEs: 2021

Kamis, 30 Desember 2021

LAKU LAN LUNGGUHE” PANGOLAH LAN PANGRENGGA

”LAKU LAN LUNGGUHE”

PANGOLAH LAN PANGRENGGA

Sabda : Pangolahira MIJIL. Pangrengganira cegah dahar lawan guling. Aja cawe- cawe. Eling marang KUNCI. Waspada ing sembarang tumindak. Surti ngati-ngati. Gemi nastiti. Idep-Madhep-Mantep. Tata-Titi-Titis. Jujur, Temen temenan.

Tumindake raga : Sabar-Narima-Iklas kanti ngalah-Welas lan Asih.

Iki dudu Agama. Iki dudu Kebatinan. Iki dudu Partai. Iki dudu Golongan. Iki dudu Organisasi.

Iki Merdeka. Tegese Marsudi kahanane dewe.

105

Putro : Pangolah punika punapa ?

Romo : Dirasakake. Dadi laku mlebu.

105

Putro : Pangolah punika punapa sami kaiyan tembung Angolah ?

Romo : Beda. Angolah tegese njupuk bumbu saka njaba. Pangolah kuwi njupuk bumbu saka kahanane dewe. Dadi pangolah ora kecampuran bahan saka njaba. Mula pangolah kuwi laku mlebu.

Pangolah iku : Anut-miturut rasa-obahe dewe. Rasa lan obah kuwi anane mung tentrem.

107

Putro : Lampahipun kados pundi ?

Romo : Ngrasakake. Dirasak-rasakake dewe.

108

Putro : Pangolahira MIJIl. Miturut pangandika, MIJIL punika tegesipun Miji ?

Romo : Bener. Miji kuwi tegese laku nggembleng. Nggembleng karo URIP. URIP kuwi tentrem-tentreming tentrem. Dadi tegese pangolahira MIJIL. Kuwi laku tentrem.

109

Putro : Dados laku MIJIL punika laku tentrem. Patrapipun MIJIl kados pundi ? Romo : Jeneng sira Mijila. Panjenengan Ingsun kagungan karsa…(Kari sakersa

ne) . Yen tumrap raga : Panjenengan Ingsun kagungan karsa, raganira arsa …….. kari (Kari sakersane).

Putro : Lampah lan lenggahipun MIJIL wau punapa ?

Romo : Pamit. Tegese pamit marang URIPE.

Tegese banjur ngakoni, yen kabeh mau INGSUN Dewe. Dadi Si Aku disinaoni mangerteni lan ngakoni-yen sing andalang iku INGSUN Dewe. Panjenengan Ingsun kang kagungan karsa. INGSUN kang ngobahake. INGSUN kang ngosikake. INGSUN kang nglahirake jeneng Sira. Cekake Raga muna-muni, obah lan polah amarga INGSUN kang kagungan karsa. Iki lungguhe jati. Dene tumrap lakune raga-ateges pamit.

110

Putro : Mijil wau lenggahipun wonten ing pundi ?

Romo : Ana ing rasa. Kabeh gelar lan gulung kuwi lungguhe ing Rasa

111

Putro : Midjil wau piyambak punopo boten ateges gelar?

Romo : Mijil kuwi gelar lan gulung. Gelare krasa rumangsa-angrasakake. Gulunge tentrem. Dadi obah lan rasa.

112

Putro : Pangrengganira cegah dahar lawan guling. Pangrengga punika punapa ?

Romo : Pangrengga kuwi saka tembung rengga. Dijaga. Diugemi. Dirumat. Diapik-

apik. Saumpama pangilon digosok saben dina, kereben bening, saumpama pip

a digosok saben dina karepen mengkilap.

113

Putro : Cegah dahar lawan guling punika punapa ateges ngirangi neda sarta

ngirangi tilem ?

Romo : Ora. Malah kudu dahar sing akeh, sare kang kepenak. Tegese dahar lan sare kuwi, angurangi ubale pancadriya. Angurangi : Angen-angene mripat, kuping, irung lan cangkem, murih apa ? Murih tentrem. Amarga pancadriya kuwi marakake ora tentrem.

Dadi ora ngarani. Satemah seleh lan banjur tentrem. Nyirep pakerti kang angambra-ambra. ”Tegese marsudi dadi wadahe tentrem.

114

Putro : Dados mboten ateges pasa ?

Romo : Ora, pasa kuwi malah mbuktekake yen esih gedhe angen-angene. Ateges ora narimakake kahanane.

ASMA SATRIYA LAN ENDANG

Putro : Kula sampun kaparingan pangertosan menawi ASMA punika tegesipun

kagem mengeti ASALE. Gelar Ana. Sapunika kepareng kula nyuwun priksa : ASMA ingkang kaparingaken dateng Putro punika punapa ?

Romo :

1. Kuwi URIP

2. Kuwi ASMANE URIP

3. Kuwi LAKUNE URIP

4. Kuwi GELAR GULUNGE URIP

5. Kuwi LUNGGUHE URIP.

Uga kasebut RIJAL. Tegese JUMENENGE ROH SUCI utawa JUMENENGE RASA LUHUR LUHURING LUHUR (rasa luhur-luhuring-luhur kuwi URIP). Penget : Dudu RIJAL kang dikandakake nyuwara ana ing tengahe ara-ara utawa ing nduwur kurungan.

Putro : ASMA ingkang kaparingaken dateng Putro, punapa mboten wonten

ingkang sami ?

Romo : Tan bisa. Awit URIP DEWE kang maringi.99

Putro : ASMA wau asalipun saking pundi ?

Romo : Saka URIP.

100

Putro : Romo menawi maringi ASMA mundut saking pundi ?

Romo : Dipundut saka CUNDAMANI. Tegese sing nyimpen ing wadah kang durung ginelar. Lungguhe ing pangerten raga, dijupuk saka wadahe mani. Dadi nalika wiji durung gelar (Roh Suci).

101

Putro : Punapa manungsa saged maringi ASMA ?

Romo : Yen manungsa mung bisa maringi jeneng minangka tenger.

102

Putro : Jeneng wau asalipun saking pundi ?

Romo : Gelare URIP. Dadi URIP wis laku. Dadi bedane : ASMA saka URIP kang durung laku. Amarga esih ana ing CUNDAMANI. Mula ASMA iku disebut bahan. Bahane URIP arep gelar.

Banjur krasa cetha yen lagi ngadepi manungsa jeneng Semono. Cetha ing kene, yen kang maringi ASMA kuwi dudu Raga. Mula : Aja nyawang raga, yen ragane pada. Nanging Sabdane. Ular-ular iki kudu dilungguhake disit sing nganti krasa trep, supaya ora korup-ora kisruh.

103

Putro : Nuwun-Nuwun sewu kapareng kula matur cumantaka. Saumpami wonten

tiyang sampun saged mijil, punapa wonten bedanipun kalian mijiling Putro.

Romo : Beda. Siji ora duwe ASMA, kang siji wis kagungan ASMA

104

. Putro : Menawi makaten MIJIL kaliyan ASMA punika punapa beda ?

Romo : Beda. Bedane kang durung kagungan ASMA, durung kagung

an KUWASA. Lungguhe

kang durung duwe ASMA ana ing gelar. Kang wis kagungan ASMA lungguhe ing KUWASA.

MIJIL kuwi laku. ASMA kuwi lungguhe (sejatine utawa kuwasane). Tumprap Putro mula esih kudu/gumantung pangolah pangrenggane. Luwih gamblang maneh yen dilungguhake mangkene : MIJIL-Wadah. ASMA-Isi. PANGOLAH PANGRENGGA-Ngiseni.

Selasa, 21 Desember 2021

SATRIYA LAN ENDANG

Putro : Satriya punika punapa ?

Romo : Saka tembung Sat=enem. Tri=telu. Ya=banyu.

1. Kuping

2. Mripat

3. Irung

4. Cangkem

5. Wadi

6. Dubur

Iki kang enem

Kang telu :

1. Ati

2. Jantung

3. Maras

Asale dumadine kabeh mau saka banyu. Apa manungsa iki kabeh ora dumadi saka banyu Urip ? Banyune Bapa lan ibu.

Dadi bahan cetakan, minangka wadahe URIP tumrap laku eling. Durung duwe angen-angen, durung duwe budi, durung duwe pekerti, durung duwe laku, durung duwe Obah lan Rasa. Mangka yen URIP wis lungguh lagi ana Obah lan Rasa. Tegese URIP wis kumpul (ngumpul-ngumpuli). Yen digandengake keterangan ing nduwur banjur dadi cetha. Satriya iku palungguhan, Sejati iku kang nglungguhi. Sejati kuwi URIP. Yen tembung sejatine lungguhe.

Putro : Endang punika punapa ?

Romo : Endahe-Endahe dumadi. Utawa saka tembung kinendangake. Apa ora nyata banyune Bapa-Babu kinendangake banjur dadi ana. Yen ing babad sinebutake Gusti Amat kinendangake saka Ngayogyakarta.

Putro : Manawi makaten Satria lan Endang Punika sanes tenger kangge adage

jaler lan estri.

Romo : Dudu. URIP kuwi dudu lanang utawa wadon. Ora Lanang Ora Wadon. Dadi Satria Endang kuwi yen diwaca Urip kinendangake saka gua garba.

Putro : Satriya lan Endang punika punapa ?

Romo : Urip. Putro.

Putro : Putro punika punapa ?

Romo : Putro tegese : Kang nglimputi jagat raya. Apa dudu Urip.

Lungguhe ing pribadi-Putro kuwi Hananira. Yen ing jati Putro kuwi lakune URIP (kang ngiseni Ana).

Putro : Manawi Romo ?

Romo : Genah kang mijilake Putro. Dadi URIP Mahanani-Anganani Urip. ANA Mahanani-Anganani Ana. Utawa : Kabeh mau yen dimanunggalake kuwi ROMO.

Putro : URIP punika punapa ta ?

Romo : ANA-ANA-ANA

ORA ANA-ANA-ORA ANA ANA-ORA ANA-ANA

Banjur krasa dadi ruwet. Supaya krasa lungguh, becik dijarwani mangkene : URIP kuwi banyu. ROMO kuwi bibite. Kumpule banyu lan bibite diarani Mani (wijine Ana). Ana kuwi Putro (lakune).

Putro : Bedanipun Satriya/Endang kalian Putro kados pundi ?

Romo : Laku lan lungguhe. Iki bedane Satriya lan Endang. Yen Putro : Gelar gulunge.

Dadi gelar gulunge pada, amarga loro-lorone pada. Yen dioyak gelar gulunge sapa lan apa ?. Wangsulane : Gelar Gulunge URIP.

Minggu, 19 Desember 2021

LUNGGUHE KUNCI

Putro : KUNCI lenggah ing pundi ?

Romo : Ing RASA

KUNCI lungguh ing RASA. KUNCI kuwi URIP. URIP kuwi, kuwasane obah ing RASA. URIP ing kene mengku karep dudu urip wis bentuk (tegese uripe manungsa utawa urip wis gelar ana). Yen urip wis gelar ana kuwi URIP wis kumpul (sinebut kumpule). URIP kang durung kumpul kuwi yen digambarake, awujud banyu tumrap urip wis bentuk. Gamblange URIP (aksara gede ing kene) ateges : URIP Absolute. Uga RASA (aksara gede) ateges : RASA Absolute.

Putro : Lenggahipun KUNCI wonten ing pundi ?

Romo : Sabdane ROMO.

Lungguhe KUNCI ing sabdane ROMO. Yen mengkono ROMO kuwi sapa ? Supaya gamblang kudu dilungguhake ing rasa raga. Sanepane : URIP (utawa KUNCI) kuwi banyu (durung kama utawa sperma/hormone). ROMO kuwi Roh lan Kama (bibit). Dadi URIP kuwi Banyu. ROMO kuwi Bibite.

Putro : Gusti ingkang Maha Suci

Kula nyuwun pangapura dumateng Gusti ingkang Maha Suci

Kok wonten ungel-ungelan Gusti ingkang Maha Suci ngantos kaping kalih ? Punapa wonten bedanipun ?

Romo : Loro nanging siji. Pambuka lan panutup. Laku lan lungguh.

Gusti ingkang Maha Suci (kang sepisan) kuwi Maha Kuawasa. Dadi OBAHE. Gusti ingkang Maha Suci (kang kapindo) iku Maha Suci. Dadi RASANE. OBAH lan RASA kuwi lungguhe URIP.

Putro : Sinten ingkang mungel : Kula nyuwun pangapura ? Romo : SIR-DAT-SIPAT.

Putro : Sirolah-Datolah-Sipatolah punika punapa ? Romo : SIR kuwi obahe utawa lakune.

DAT kuwi gemblenge, tetepe utawa lungguhe SIPAT kuwi gelare utawa dumadine.

PUTRO:Punika SIR-DAT-SIPATipun sinten ?

Romo : URIP.

Putro : Ing nginggil kasebataken bilih ingkang mungel : Kula nyuwun pangapura

dumateng ………… punika SIR-DAT-SIPAT. Punapa bedanipun kalian Sirolah-Datolah-Sipatolah ?

Romo : Sirolah Datolah Sipatolah kuwi lakune (obahe, polahe). Dadi lakune SIR- DAT-SIPAT.

SIR-DAT-SIPATe URIP (RASA). Dadi nalika URIP arep kumpul. Sinebutake URIP arsa gelar.

Yen digandengake karo pitakonan ing nduwur banjur krasa cetha. Iya wis dilungguhake. Mung perlu dipengetake yen SIR-DAT-SIPAT kuwi beda lungguhe karo Sirolah Datolah Sipatolah. Tembung olah ing kene mengku teges polah. Tegese wis laku.

Putro : Kula sejatine Satria/Wanita, punika punapa ? Romo : Rasa-Obah.

Putro : Nyuwun wicaksana Nyuwun panguwasa.

Romo : Kula kuwi anane laku. Wicaksana lakune berbudi. Panguwasa lakune Bawa-Laksana.

Rasa-Obah (ora aksara gede). URIP wis kumpul. Wadahe URIP mau Rasa lan Obah. Tembung Sejati kuwi lungguhe. Ora bisa den sipati. Sebab Rasa. Mula beda banget antarane tembung Sejatine Satriya karo Satriya. Satriya kuwi busana. Wis prabot. Balik Sejatine Satriya kuwi lakune URIP. Kumpule URIP. Rasane URIP. Luwih cetha lan ringkes mangkene : Sejatine Satriya lungguhe ing Rasa. Satriya lungguhe ing budi pekerti.

Wicaksana kuwi Wiwit arep kumpul. Panguwasa iku Kumpule. Lumarape ing budi pekerti (lungguhe) Berbudi Bawa Leksana.

Putro : Sinten ingkang nyuwun ? Romo : Rasa-Obah.

Putro : Kangge tumindake Satriya/Wanita Sejati. Romo : Bener. Kuwi Obah lan Rasa.

Putro : Sejatine Satriya/Wanita lan Satriya/Wanita Sejati punika punapa ?

Romo : Rasa-Obah+Obah-Rasa

Rasa Obah-Obahe Rasa Rasa Karsa-Karsa Rasa

Wadah lan isine. Isine lan Wadahe.

Yen Sejatine Satriya/Wanita mau Rasa lan Obah. Balik tumindake Satriya/Wanita Sejati Obah lan Rasa. Lungguhe nyata beda. Rasa lan Obah kuwi sipat (pasip). Obah lan Rasa kuwi cethane yen ditambahi e (huruf e). Banjur moni Obahe Rasa (sipat aktip). Ringkese : Rasa Karsa kuwi Rasa lan Obah. Karsa Rasa kuwi Obah lan Rasa.

Putro : Kula nyuwun kangge anyirnakake tumindak ingkang luput. Anyirnakake

tumindakipun sinten ?

Romo : Nyirnakake tumindake dewe kang luput.

Iki laku arep tumuju marang tentrem (teknis). Sapa kang gelem ngakoni-ndumuk-jujur (tembunge anyirnakake) tumindake dewe kang luput, lan kang arep luput, Rasa lan Obah kang arep mahanani tumindak luput bakal sirna. Satemah tentrem. Mangka tentrem kuwi palenggahane URIP.

Putro : Nuwun nuwun sewu. Menawi kula waos saklebatan, ungelipun KUNCI

teka kumingsun. Punapa leres ?

Romo : Bener. Mula wacanen.

Kuwi dudu wacan kanggo raga. Kuwi janjine Urip marang URIP. Kuwi janjine Rasa marang RASA. Saguh dadi Satriya Sejati/Wanita Sejati-Sejatine Satriya/Wanita kanggo anyirnakake tumindake dewe kang luput. Mula Sapa kang temen-temen bisa maca KUNCI yekti dadi manungsa kang eling temenan.

Karsane tembung wacanen kuwi yen disalin mawa basa Indonesia dadi cetha. Wacanen utawa Bacalah. Dadi dudu Membaca. Yen Maca (membaca) mung entuk bentuk (bentuk aksara-bentuk pangerten-bentuk suwara). Balik tembung wacanen (bacalah) bakal entuk Rasa.

Mula para nimpuna kang wis lepas ing budi bisa paring warah, yen kabeh ana iki bisa kanda lan tutur (Mega, Angin, Bumi, Banyu, Geni, Hawa, lan sapiturute). Yen macane mung mawa prabot pancadriya, budi pekerti, angen-angen wis mesti wae ya mung entuk bentuk. Apa PUTRO bisa ?. Bisa. Sebab wis darbe KUNCI. Lan lakune raga wis resik temenan miturut angger-angger, unen-unen KUNCI kang wis diparingake. Nanging perlu dipelingke, yen KUNCI kuwi ora ateges tumuju marang bisa maca kabeh gelar ana mau.

Putro : Dados gamblangipun ingkang nyuwun wicaksana, panguwasa sarta

kangge anyinarkake tumindak ingkang luput mau temenipun Urip Kula ?.

Romo : Bener. Mula samengka banjur ana tetembungan : URIP nagih janji. URIP nagih janji Urip. Manungsa kang durung eling-kang ora gelem eling, bakal lebur tanpa dadi. Tegese manungsa kang durung duwe gondelan KUNCI.

Putro : Tumindake dewe punika angliputi punapa kemawon ?

Romo : Angen-angen-budi pekerti-pancandriya.

Putro : Punapa saged manungsa ngemohi angen-angen ? Sebab manungsa

melek punika sampun lampahipun angen-angen.

Romo : Mula dawuhe Romo ora ngilangake angen-angen nanging nyegah. Tembung nyegah ateges anipisake.

Sebabe apa? Amarga anyidrani. Sing nyidrani Rasa angen-angen-budi pekerti-pancadriya. Nalika arep budi. Umpamane : Raga dituduhi Lombok warnane abang. Barang dipangan rasane ora abang. Raga dituduhi papan-papan suci. Mangka suci kuwi URIP, dadi dudu papan. Cekake sarwa ana kuwi mblenjani karo nalika arep ana. URIP kuwi ora bentuk, ora wujud lan ora kena disipati. Nanging raga diajak percaya marang tulisan, aksara, unen-unen lan warah sing diwartatkake suci.

Rabu, 15 Desember 2021

UNINE KUNCI

KUNCI kuwi dudu unen-unen, dudu Uni, nanging kang mahanani UNI. Ora kena diowahi, dikurangi utawa ditambahi. Tumprap manungsa kang durung antuk sabda mijil, unen-unen KUNCI ora mahanani apa-apa. Tegese ora migunani lan maedahi. Amarga banjur mung dadi sungsunan sastra. Kosokbaline tumprap manungsa kang wis mijil (kang wis dadi PUTRO) kunci kuwi mahanani rasa, awit KUNCI kuwi WITING DUMADI.

KUNCI

Gusti ingkang Maha Suci

Kula nyuwun pangapura dumateng Gusti ingkang Maha Suci

Sirolah datolah sipatolah

Kula sejatine Satriya/Wanita

Nyuwun wicaksana

Nyuwun panguwasa

Kangge tumindake Satriya/Wanita sejati

Kula myuwun kangge anyirnakake

tumindak ingkang luput

Putro : Ingkang kula ungelaken punika punapa ?

Romo : Unen-unen. Lungguhe ing rasa. Mula KUNCI kuwi olehe ngunekake ana ing rasa.

1. KUNCI kuwi dudu unen-unen, dudu Uni, nanging kang mahanani UNI.

2. KUNCI kuwi unen-unen.

Keterangan kang sarwa beda ing nduwur iku (kontradiksi). Kudu bisa nglenggahake.Keterangan angka 1, kuwi lungguhe sejati.

Keterangan angka 2, kuwi KUNCI kang rinungu (suara). Dumadine saka unen-unen. Mula senadyan ana wong kang bisa ngapalake unine KUNCI mangka

durung disabda manjing (durung dadi Putro) ora ana paedahe. Sebab lungguhe mung entuk unen-unen bae. Pada karo wong apal cakepan (syair, sajak, rapalan).

Putro : KUNCI kedah dipun ungelaken kaping pitu. Punapa sebabipun ?

Romo : KUNCI kuwi siji, Nanging diunekake kaping pitu. Kuwi sebabe rasa pitu. Sembahe : Rambut, Kulit, Daging, Otot, Getih, Balung lan Sumsum.

Putro : Kenging punapa kula kedah maos KUNCI ?

Romo : Tandane eling temenan.

Putro : Eling punika punapa ? Romo : Ngakoni

Putro : Tiyang ingkang sami asung sembah ing papan-papan suci, masjid, gereja,

klenteng, biara, pertapan punapa dereng kenging senebat tiyang sampun eling ?

Romo : Ora. Amarga kae lagi tekan angen-angen. Durung krasa. Dadi esih lakune rasa pangrasa.

Krasa kuwi timbal balik (rasa banyu karo kang ngrasakake ngombe banyu). Balik rasa pangrasa kuwi durung bisa krasa. Ditembungake durung bisa ngobahake rasa nganti tekan krasa temenan. Kaya wong ngimpi. Mula ngimpi kuwi dumadine ana saka rasa pangrasa (lakune angen-angen).

Putro : Wonten pangertosan ingkang nglenggahaken perangan-perangan utawi

tataran (unda usuk). Lampah sembah. Setunggal : sembah raga, kalih : sembah sukma, tiga : sembah rasa.

Romo : Sembah raga kuwi idep. Sembah sukma kuwi madep, sembah rasa kuwi tetep. Dadi laku.

Iki pangerten rasa raga. Dadi esih pangerten rasa pangrasa. Dadi esih laku sembah sejati. Tegese esih nggoleti. Esih golet kiblat.

Putro : Bedanipun kalian Putro maos KUNCI ing pundi ?

Romo : KUNCI kuwi sembah URIP. Maca kuwi sungkem. Sungkem kuwi krasa. Dadi uwis tekan.

Sungkem iku tembung wis krasa (kumpul). Sungkem karo kang disungkemi. Siji sungkem SIJI (sing sungkem lan disungkemi) wis ora laku maneh.

KUNCI

Putro : Kunci punika punapa ?

Romo : KUNCI kuwi witing URIP. KUNCI kuwi Maha Suci. Kunci kuwi langgeng, KUNCI kuwi Romo, KUNCI kuwi MONO. KUNCI kuwi ASMA PUTRO. Yen ing awak KUNCI kuwi wadine lanang lan wadon.

Wadi (Geslach) utawa kemaluan. Asale ana langgeng. Lamun manungsa tan mrabot kuwi jagad iki mesti bae banjur suwung.

Putro : KUNCI kuwi witing URIP. Maknanipun kados pundi ?

Romo : Witing URIP tegese wiwitane ana URIP. Yen diucapake alon WIT ing Urip. Dadi URIP ing Urip. URIP kang lungguh ing Urip, sinebut Maha Suci.

Tembung WIT ing kene ing warah pangelmon sinebut KAYUN. Ing pakeliran wayang kulit,KAYON utawa Gunungan.

Putro : Maha Suci punika punapa ?

Romo : Maha Suci kuwi tegese kumpule kabeh Suci.

Putro ; KUNCI kuwi langgeng.

Romo : Apa ora nyata ? URIP kuwi langgeng. Tuwuh manuwuh, trubus manrubus.

Putro : KUNCI kuwi Romo.

Romo : Rak kabeh kuwi Romo. Lungguhe ing raga roh lan kama. Ya URIP.

Putro : KUNCI kuwi MONO

Romo : MONO kuwi kang mengkoni. Mono kuwi Tunggal, Esa utawa Siji. Kabeh ana lan ora ana ing saindenge jagad raya kuwi winengkonan MONO. Ana tetembungan : Gede-gedene Gunung ya Semono. Duwure langit ya Semono. Cilik-cilike tengu ya Semono. Karepe, kabeh winengkonan Semono.

Putro : KUNCI kuwi ASMA PUTRO

Romo : Kang nglimputi jagad raya iki apa ora URIP ?67

Putro : Ingkang kagungan KUNCI punika sinten ? Romo : MONO.

Putro : Punapa sebapipun rumiyin MONO dereng kersa paring KUNCI ?

Romo : Amarga durung gelar. Durung Mijil. Samangka wis mijil. Mula banjur ana Manunggal.

Sering banget Romo ngendika : Yen ing wetan Katon (Bathara Katon). Yen ing tengah Amat (Gusti Amat). Yen ing kulon MONO (Semono). Tegese : Biyen ya wis ana URIP (MONO). Mung biyen durung kersa mijil (durung kersa gelar). Aja keleru penampa MONO ingkono dudu Pak Mono. Bathara Katon ingkono dudu manungsa Putro Majapahit jaman Demang Kutuwengker (Ponorogo). AMAT ingkene dudu Gusti Amat (Sura ing Ngalaga). Ngayogyakarta. Kudu dipisahaken antarane jeneng lan raga.

MANUNGGAL

# Tembung manunggal kuwi ora nganyar-nganyari. Wiwit biyen wis dimengerti lan wis ana. Bedane, biyen mung mandeg tekan ular-ular, samengka dadi krasa. Senadyan mengkana, akeh kadang durung bisa mangerti lungguhe manunggal. Bab iki bisa dimengerti, amarga kabeh sarwa abstrak.

Putro : Manungggal punika tegesipun punapa ta ? Romo : Loro dadi siji.

Putro : Menawi wonten tembung, Kula bade manunggal, lenggahipun kados

pundi. Kula manunggal kalian sinten saha ingkang Kula manunggalaken punapa Kula ?

Romo : Aku manunggal. Tegese Urip manunggal karo URIP. Lungguhe ing rasa.

Dadi rasa manunggal karo nglenggahi. Sing nglenggahi rasa kuwi URIP.

Putro : Punapa sami kalian unen-unen Manunggale Kawula Gusti ?

Romo : Kena bae. Uga bisa disebutake Suksma manunggal Suksmono. Rasa manunggal RASA.

Putro : Ingkang manunggalaken sinten ? Romo : URIP. ROMO.MONO.

MONO tegese Tunggal utawa Esa. Mula banjur ana tembung Manunggal.

Putro : Kados pundi seged Kula manunggal ?

Romo : Kudu duwe KUNCI.

Selasa, 14 Desember 2021

M I J I L

Putro : Mijil punika punapa ?

Romo : Miji.

Putro : Punapa mboten ateges medal utawi lahir ?.

Romo : Kuwi gelare. Gulunge Miji. SEMONO wis mijil-tegese : wis miji lamun HERUCAKRA. Mula banjur ASMA : HERUCAKRA SEMONO.

Putro : Punapa mboten sami kaliyan tembung manunggal ?

Romo : Beda.

Putro : Manunggal punika punapa ?

Romo : Manunggal kuwi lagi laku arep miji, utawa laku miji.

Laku manunggal iku saka njaba menjero. Mijil (Miji) saka njero menjaba. Murih krasa, dicundukake bae karo laku manunggal (sexuele-gemeenschap) karo mijile mani. Banjur krasa bedane.

Putro : Adedasar sastra basa, tembung mijil punika punapa kenging kula

jajaraken kalian wiji ?

Romo : Mula mijil kuwi saka tembung basa wiji utawa miji.

Putro : Menawi mekaten HERUCAKRA SEMONO kenging kula tegesaken :

wijine ana. Mendet tembung SEMONO mijil ASMA HERUCAKRA. Banjur mijilake para Putro. Ateges damel wiji ana.

Romo : Iya.

Njupuk saka tembung HERUCAKRA SEMONO : banyu bunder sejatine mani. (wiji) CAKRA ya duwe pangerten : wadah. Lungguhe malah dadi cetha. HERUCAKRA SEMONO kuwi wadah banyu sejatine mani. Tegese wiji ana.

Putro : PUTRO punika punapa ?

Romo : Kang nglimputi jagat raya. Yakuwi URIP.

Kang nglimputi jagad raya iku sakabehe ana lan ora ana. (Aran-Nama-Jeneng) penget : dudu bentuk. Mula ASMA PUTRO kadang-kadang jeneng kewan-tuwuh-dat lan sapiturute. Dirungokake kuping marakake eling marang bentuk jeneng-jeneng mau. Benere dudu. Bentuk ora melu melu. Sebab bentuk bisa owah gingsir.

BEDANE LUNGGUHE PANGERTEN ROMO LAN KANJENG ROMO

Putro : Romo punika punapa ?

Romo : Romo kuwi Rasa Manunggal. Hawa kuwi rasa, angin ya rasa, geni, lemah, witwitan, suasana, manungsa, kewan-tuwuh……. Cekake kabeh sarwa ana lan kang ora ana kuwi kabeh rasa. Kabeh kang ana lan kang ora ana mau yen dikumpulake dadi siji, kuwi Romo. Dadi ya URIP.

Wis ora perlu keterangan maneh.

Putro : Punapa tembung Romo sami kalian Maha Suci ?

Romo : Kabeh jeneng kuwi suci. Kabeh ana lan kang ora ana kuwi suci. Kumpule kabeh suci kuwi Maha Suci.

Jeneng kuwi suci. Suci kuwi Urip. (Rasa) Kuping, mripat, irung, cangkem, wudel, wadi, dubur, tangan, sikil kuwi kabeh jeneng. (suci). Kumpule kabeh rasa-rasa mau, Maha Suci. Iki yen dilungguhake ing diri pribadi.

Putro : Dados tembung Romo punika mengku pangertosan mboten pria mboten

estri.

Romo : Urip kuwi ora lanang ora wadon. Amarga ora bentuk. Ana nanging ora katon.

Putro : Dados punika dede Bapa utawi Bapak.

Romo : Ra + Ma tegese Roh lan Kama. Iku ora lanang ora wadon. Bahan lan cethakane manungsa kabeh asale pada. Apa ora ?

Putro : Ing pasrawungan nyebat Bapa mawi sebatan Romo. Lajeng dados

kalimprahan menawi sebatan Romo punika kagem nengeri sebatan jaler.

Romo : Lanang ingkene mengku pituduh lungguhe kuwasa. Kang kuwasa kuwi URIP. URIP kuwi Romo.

Putro : Ing warah Kristen wonten sesebatan Hyang Romo. Punapa sami kalian

Romo ?.

Romo : Hyang Romo kuwi wis aran. Dadi lakune rasa pangrasa.Mongko Romo kuwi

rembug kroso

Tembung Hyang Romo wis aran, tegese wis krasa ana. Hyang kuwi Sang, Hyang Romo werdine Sang Romo. Tembung sesebutan utawa pamuja. Kang diarani rembug krasa, lenggahe rembug timbale balik. Kaya wong ngombe banjur krasa. Yen rasa pangrasa kuwi ora ana timbale balik. Mung kaya wong nyawang ngumbe nalika ngelak.

Putro : Bedanipun kanjeng Romo kalian Romo wonten pundi ?

Romo : Kanjeng kuwi sesebutan tuwuh saka rasa pangrasa.

Tembung Kanjeng kuwi sesebutan, pamuja utawa pangaji-aji. Dadi uwis sarwa ana. (bentuk). Yen ngarani Romo Semono mawa tembung Kanjeng Romo, lungguhe tumiba gelar. Pada karo pak Semono tumpraping pangaji marang raga semono. Tembung Kanjeng lungguhe jati tegese kang jumeneng. Kang jumeneng ing raga (Semono)-ya URIP (dadi laku).

Minggu, 12 Desember 2021

BEDANE SESEBUTAN URIP LAN SESEBUTAN LIYA

# SESEMBAHAN SEJATI, miturut panjenengane kuwi : URIP.

URIP kang mahananani lan kang anganani. URIP kang gawe gelar lan gulung. URIP kang murbawasesa saindenge jagad raya. URIP kang mengkoni lan kang kagungan kabeh kang kumelip ing saindenge jagad raya. URIP kang nganakake ana lan kang ora ana.

Putro : Romo paring andaran, bilih ingkang murbawasesa saindenge jagad raya

punika URIP. Punapa sanes TUHAN, THIAN, GOD, HYANG WIDHI, JEHUWAH utawi sesebutan agung sanesipun ingkang sampun limprah dipun sebat-sebat manungsa ?

Romo : Kuwi durung bener. Sesebutan, TUHAN, THIAN, GOD, HYANG WIDHI, JEHUWAH lan liya-liyane kuwi wis jeneng aran, manungsa wis bisa ngarani. Dadi manungsa wis bisa muna-muni. Nalika manungsa durung bisa muna lan muni apa wis bisa ngarani sesebutan mau kabeh ?.

Dibalekake sejarah manungsa. Sebab tembung-tembung ana lan ora ana kuwi sing nganakake ya menungsa. Rembug sesembahan iya rembuge manungsa. Sesebutan TUHAN, THIAN, GOD, HYANG WIDHI, JEHUWAH kuwi ana-iya.

Putro : Aran lan ngarani punika lenggahipun ing pundi lan kadospundi ?

Romo : Aran kuwi tembung wis ana. Dadi uwis ana gelar. Manungsa wis krasa anane. Sakwise krasa banjur ngarani. Lakunegelar - anggelarake. Balik nalika manungsa durung bisa muna lan muni, apa kang ana ? Bayi mau wis rumangsa urip, buktine yen dilarani wis ana jerit. Dadi uwis ana rasa.

Putro : Kadospundi kula saged yakin menawi kula punika kagunganipun URIP, nanging sanes kagunganipun ALLAH utawi TUHAN ?

Romo : Kabeh manungsa kang ora mati iku diarani apa ? Putro : Manungsa Urip.

Romo : Kenapa ora disebut manungsa ALLAH utawa manungsa TUHAN ? Sira rak yak krasa urip ta? Urip apa ora ? Krasa urip apa ora ? Rumangsa urip apa ora ? Ngrasake urip apa ora ? Ngrumangsani urip apa ora ?

Sira kuwi kowe (basa srawung kiwa tengene kuta Purworejo). Eling : - Yen jeneng kuwi nuduhake asal.

Putro : URIP punika ingkang nganakaken sinten ?

Romo : URIP kuwe ora ana sing nganakake. URIP kang nganakake samubarang ana.

Putro : Wonten tetembungan : Aku iki URIP amarga di URIPake. Sinten ingkang

maringi gesang kula ?

Romo : URIP. URIP iku kang nguripi lan kang nguripake Urip.

Tembene kang lagi krungu istilah URIP isih kisruh. Kita kudu bisa mbedakake ing antarane URIP individu-URIP universal-URIP ABSOLUTE. Urip cilik (aksara U tinulis gede). Urip bentuk.

Putro : URIP punika punapa ?

Romo : URIP kuwi kuwasane obah-lungguhe ing RASA. Kawicaksanane angen- angen. Dadi URIP kuwi kang ngobahake OBAH. Kang ngobahake Rasa. Kang nguripake angen-angen. Kang ngobah ngosikake budi pekerti lumarap ing pancandriya.

Aja dikisruhake karo pangerten : URIP kuwi obah lan rasa. Nanging URIP kuwi kuwasane obah-lungguhe ing rasa. Dadi mengku karep URIP kuwi kang ngobahake Urip lan kang LUNGGUH ing rasa.

Putro : Wangsul bab sesebatan TUHAN, THIAN, GOD, HYANG WIDHI,

JEHUWAH lan sanes-sanesipun wau wonten amargi manungsa urip. Manungsa urip mau tangeh lamon saged damel sesebatan ing inggil wau menawi mboten dipun osikaken URIP kiyambak. Mila kula lajeng wanton

mastani, menawi sesebatan wau wonten amargi URIP piyambak ingkang kagungan karsa. Lenggahe sesebatan wau lajeng wonten ing pundi ?.

Romo : Kuwi lakune URIP.

Tembung lakune URIP mbok menawa kena dak terangake : segi-segi (dimensi) URIP.

Putro : Menawi mekaten HERUCAKRA SEMONO punika inggih lampahipun

URIP.

Romo : Bener. HERUCAKRA SEMONO kuwi purbawasesa URIP. Asal-usule ana gelar lan gulung. Kang ana lan ora ana. Kang mengku lan kang mengkoni.

Yen dihubungake karo keterangan iki lewih cetha, yen jeneng-jeneng mau (sesebutan-sesebutan) aktivitas (segi-segi-dimensi-dimensi) URIP dewe.

LUNGGUHE RATU ADIL - GUSTI AMAT LAN LIYA-LIYANE

LUNGGUHE

RATU ADIL - GUSTI AMAT YESUS LAN LIYA-LIYANE

Putro : Herucakra Semono sinebatake ing buku jangka jayabaya : Ratu adil kang

mijil saka alas ketangga.

Romo : Bener. Ratu adil. Ratu kuwi dudu mnungsa ta ? Ratu kuwi aran. Tegese rasa : rasa tumata utawa tumatane rasa. Adil tegese lakune rasa. Rasa - krasa - rumangsa - ngrasakake ing sekujur badan. Dadi Ratu Adil kuwi tegese rasa tumata ing sekujur badan. Yakuwi URIP.

Putro : Mijil saka alas ketangga ?

Romo : Ketangga tegese keteg ing angga. Apa ora nyata. Ya ing keteg kuwi kumpule kabeh

rasa. Keteg kuwi kang murbawasesa uripe manungsa. Buktine : senajan Nabi, manungsa sekti mandraguna, lamun tininggal ketege sayekti banjur mati.

Putro : Nanging ugi sinebatakae alas ketangga Madiun.

Romo : Madiun saka tembung Madi. Lakune Mani. Jangkepe : Mani - Madi - Wadi - Manikem. Mula sinebutake mijil saka alas ketangga Madiun, tegese asale rasa apa ora saka Madi ?

Putro : Menawi mekaten tembung Mad - Madi, punapa mboten sami kalian Mat-

Amat ?

Romo : Bener. Gusti Amat. Gusti kuwi sesebutan utawa bentuk. Amat ya Mat. Mat kuwi rasa. Mating rasa tegese telenge rasa. Apa telenge rasa ora kang ana keteg ? yakuwi URIP.

Mani - Mad - Wadi - Manikem kuwi lakune mani mijil. Tegese lakune rasa (evolusi rasa). Mat tegese laku kang wis muncak. Rasa mat banget, krasa rasa memuncak.

Putro : Punapa URIP punika keteg ?

Romo : Ora. Nanging kang ana ing keteg. Tegese kang ngobahake. URIP kuwi kuwasane obah. Lungguhe ing rasa. Kawicaksanane angen-angen. Tegese : kang ngobahake obah. Kang lungguh ing rasa.

Putro : Sering kula mireng tetembungan IMAM MAHDI. IMAM MAHDI punika

tiyang ?

Romo : IMAM MAHDI kuwi aran, nama utawa jeneng. Dudu manungsa tegese IMAM MAHDI isine MANI-MADI. Apa ora urip. Pada karo tetembungan MADI-YUN. Yun saka tembung KAYUN tegese urip. Pada karo tetembungan Gu

Putro : Menawi Hyang Wisnu manjanma sakwise jaman kaliyuga lenggahipun

wonten ing pundi ?

Romo : Hyang saka tembung Sang, tegese gesang. Wisnu tegese wis nunggal.

Ing nduwur iku conto pengerten luwih gamblang. Cetha banget pisahe jeneng lan bentuk. Diterangake yen jeneng kuwi lakune URIP dewe.

Putro : Kula nate maos babad Sabdapalon ing serat DARMA GANDUL ungelipun

mekaten ; ”Besuk yen ana manungsa JAWA jenenge tuwa dewe, kuwi kang den dereki.” Punika wuwusipun Sabdopalon dateng Prabu Brawijaya. Jenenge tuwa dewe punika kajenganipun punapa lan sinten ?

Romo : JENENG TUWA DEWE kuwi kabeh jeneng. Apa ana manungsa kang rumangsa menehi umur jeneng ? Sapa ta jenenge tuwa dewe ? URIP. Urip kuwi tuwa dewe. Awit jeneng kuwi lakune URIP.

Pada karo tembung srekalan : godong sejagat sing amba dewe godong apa ? Mesti wangsulane Kabeh godong. Semono kuwi jeneng kang tuwa dewe yen ditandingake sekabehe jeneng. Mula nyata. Conto ”Dek tahun siji Masehi aku wis lahir,” Diunggahi ; ”0 (duk) Semono wis duwe buyut. Krasa yen tembung semono. Kuwi ora bisa diunggahi maneh.

Putro : Kula mireng ular-ularipun kaum theosopi, bilih jagad ing mbenjing bade

kaprentah dening sesebutan nam

a ; SEMANU.

Romo : Kuwi bener. Semanu iyo Semono. Semanu tegese rasane manu. Manu kuwi URIP.

Manu utawa Mana yen ing kawruh antropologi tegese tenaga hidup. Mono tegese siji utawa Esa. Sesembahan tunggal sinebut Monotheisme.

BEDANE LUNGGUHE PAK SEMONO - SEMONO LAN HERUCAKRA

BEDANE LUNGGUHE

PAK SEMONO - SEMONO LAN HERUCAKRA

Putro : Romo ngendika : AKU iki pak Semono, jenengku Semono. Yen asma :

Heru cakra. Panjenenganingsun Herucakra Semono. Punika mengku pikajeng kados pundi ?

Romo : AKU pak Semono : Tegese kang kasat mata iki. Dadi Raga. Jenengku Semono tegese kang ora katon. Nanging tembung AKU mau sebenere dudu raga. Apa wis ketemu karo AKU ? AKU iki rupane kepriye ta ? Harak ora katon ?

Pangandikan iku dipilah dadi telu : siji : raga, loro : aku, telu : jeneng. Sing kasat mata (dadi raga), kuwi pak Semono. Nanging ing njerone raga ana AKUNE pak Semono. Si AKU kuwi kang ngobahake raga, pak Semono.

Putro : AKU punika punapa ta ?

Romo : AKU kuwi lakune angen-angen. Lungguhe ing awak : rasa-raga. Dadi kang ngobahake wong, mula wong urip iku lakune angen-angen.Aku kuwi ora katon (abstrak). Amarga tembung AKU iki tegese : lakune angen-angen.

Putro : Wonten pangertosan ingkang nate kula pireng : Aku iki nerusake lakune

leluhur.

Romo : Bener anane harak saka bapa biyung ?

Putro : Menawi mekaten tiyang gesang punika lenggahipun nerusaken

lampahing leluhur.

Romo : Bener.

Watak wantune si AKU mau nerusake lakune si AKUNE leluhur (bapa, biyung, si mbah, seteruse). Yen lakune leluhure si AKU mau nalika sugeng tansah mertapa mersudi luhuring budi, si AKU pasti ngunduh wohe pakartine leluhur. Mula banjur sinebut : tedake wong amar-tapa. Pengerten iki yen bisa ngagem, marakake nggampangake laku. Saupama pengerten iki kanggo ungak-ungak pribadine pak Sumono iya bakal oleh wangsulan sing cetha. Umpamane ana pangudarasa : ”Apa sebabe wahayu luhung iki teka tumiba marang pak Semono ?” Wangsulane kudu nglacak lakune leluhure pak Semono. Yen mung njinggleng lakune pak Semono wae, isih tangeh (isih pincang). Coba ungaken riwayate kabeh bangsane priyayi-priyayi luhur : mengko harak banjur cetha.

Putro : Lajeng lenggahipun jeneng wonten pundi ?

Romo : Jeneng, kuwi minangka ciri lakune si AKU. Sing maringi ciri mau URIP. Dijenengake ing AKU. Cethane jeneng mau busanane si AKU. Jeneng : Herman, Warso, Sri, Paiman, Roostinah lan liya-liyane mau jenenge si AKU utawa lenggahe si AKU.

Putro : Jeneng inggih mboten ketingal ?

Romo : Iya jeneng mula ora katon. Sebab jeneng kuwi lungguhe DAT. Yen AKU lungguhe SIPAT. SIPAT kuwi dudu wujud. Mula iya ora katon.

Sing maringi ciri kuwi urip. Tegese anane jeneng mau saka rasa osik.Kang ngosikake urip. Ilham, mimpi, wisik, wewengan kang tinampa manungsa ikukanugrahan utawa wahyu. Iku kang ngosikake (kang murbawasesa-kang ngobahake)

Putro : Gampilipun malih : JenengHerman, Warso, Sri, Paiman, Roostinah

punika merkipun si AKU. Romo maringi pengertosan, menawi jeneng punika lungguhe DAT. DAT punika punapa ?

Romo : Kumpule cahya lan sari-sari.

Putro : Wewaton punika miterangake bilih jeneng Herman, Warso, Sri, Paiman,

Roostinah wau lenggahipun cahya tuwin sari-sari. Menawi mekaten jeneng Herman, Warso, Sri, Paiman, Roostinah lan sanes-sanesipun punika ngemu lampah piyambak-piyambak.

Romo : Bener, Mula ana tetembungan : Jeneng wis ngarani.

Pengerten iki katone prasaja, nanging jebule nemtokake. Ing pasrawungan keton banget yen jeneng kuwi dadi pituduh kang wigati. Umpamane : Kepriye anggonku bisa mbedakake wewengan (inwijding-kunci) antarane para WINAHYU karo KUNCI peparingane SEMONO ?. Kunci (ajaran, wewengan lan sepiturute). Krisnamurti, Pangestu, Sech Siti Jenar, Sapta Darma, Islam, Kristen, Budha lan liya-liyane. Nyatane iya mahani temenan. Bedane mung ana nang jenlaku.Jeneng wis ngarani, nuduhake asal usule. Nuduhake kwalitete.

Putro : Herman, Warsa, Sri, Paiman, Roostinah punika punapa ?

Romo : DAT. Bahane DAT, Herman : Her kuwi banyu, ma kuwimani dadi banyune mani. Iya seteruse.

Putro : Warsa ?

Romo : Wahayune rasa. Iya dat. Kalebu laku. Dadi Cahyo, Sri tegese laku, dadi cahya. Paiman tegese palungguhane isine mani, kalebu sari sari. Roostinah tegese lakune rasa. Kalebu cahya

Putro : Asma Herucakra. Panjenengan Ingsun Herucakra Semono. Bedanipun

ing pundi ing antawisipun asma kalian panjenengan ingsun?

Romo : Lenggahe asma wis ngerti. Yaiku Sir. Dadi kuwasane. Kuwasane urip utawa obahe urip. Panjenengan saka tembung Jeneng utawa jumeneng. Panjenengan Ingun tegese jemuneng ingsun. Sapa kan jemuneng ? Ingsun. Ingsun kuwi urip. Dadi tegese Panjenengan Ingsun kuwi jumeneng Ingsun. Jemuneng Ingsun : Herucakra Semono.

Putro : Herucakra Semono punika tegesipun punapa ?

Romo : Her= banyu. Cakra = bunder, utawa suwasanane utawa wadah. Herucakra tegese banyu bunder. Semono kuwi sejatine mani. Apa ta sejatine Herucakra Semono kuwi ? Banyu bunder sejatine mani. Asal usule ana. Ya URIP. Mula Herucakra Semono kuwi kang murba ana.

Romo yen nglenggahake pengerten bali (dilungguhake) marang raga-raga (awake dewe) sebenere luwih gampang tur banjur krasa. Nanging kang akeh-akeh tinampa kurang marem. Marga kulina nampa warah gelar. Herucakra Semono dilenggahake banyu bunder sejatine mani. Mula yen tinampa ing rasa kuping, sajak epeh kurang luhur. Mangka sejatine bener benering bener. Apa ora nyata yen kabeh ana ini saka mani ?.

MUNA LAN MUNI

Putro : Tembung sarta basa punika tumprapipun rasa lenggahipun ing pundi ? Romo : Kuwi lakune angen-angen. Lakune gelar. Muna kuwi osik. Muni lakune

utawa sipate.

Putro : Ingkang ngosikaken sinten ? Romo : Rasa.

Putro : Manawi mekaten rasa arsa gelar ?

Romo : Iya. Rasa arsa gelar sinebut angen-angen.

20.

Putro : Lampahipun rasa arsa gelar punika kados pundi ? Romo : Krasa - rumangsa - ngrasakake.

Putro : Romo ngendikakake rasa arsa gelar. Yen mekaten kosok wangsulipun

mesti wonten rasa arsa nggulung. Kados wonten siang mesti wonten ndalu.

Romo : Bener rasa anggulung kuwi ana. Yakuwi lakune wong arep turu. Angen- angen, budi pekerti lan pancandriya ora makarti maneh, amarga ginulung.

Putro : Ginulung ing pundi ? lan sinten ingkang nggulung?

Romo : Ginulung rasa kumpule ing keteg.

Kumpule rasa sekujur badan iki ning keteg.

Keterangan iki ora bisa diselaki. Buktine lamun tininggal ketege menungsa pasti lampus. Pengerten iki bisa kanggo prabot gawe katentreman, tinumbuka gora goda apa wae. Lamun baut nggulung rasa gelar nganti sinimpen primpen ing telenge rasa (keteg) sayekti kalis saka panggodane angen-angen budi pekerti lan pancadriya.

Sabtu, 11 Desember 2021

PAEDAHE PERMATI ING TEMBUNG

Putro : Dados Semono punika Jeneng Panjenengan.

Romo : He-eh. S titik Mono. S titik yen timulis nganggo aksara Jawa-Sa dipepet.

Yenditulis nganggo aksara latin S.MONO.

Putro : Kula mireng wonten ingkang nyebat Semono,Samana,malah wonten

Ingkang nyebat Sumono. Punapa kepareng ?.

Romo : Kena bae. Mung lenggahe banjur bedha.

Putro : Bedanipun wonten ing pundi ?

Romo : Nyata bedha. Yen Se genah Sa dipepet. Yen Su genah Sa disuku. (Aksara Jawa).

Putro : Punapa lenggahipun bedha ing antawisipun Sa dipepet kaliyan Sa

disuku?

Romo : Pepet kuwi pangertene rasa disengker. Winadi, pinayungan utawa Sejatine. Yen Suku tegese laku. Nglegena duwe pangerten sastra Sawantah.

Putro : Manawi makaten Se- - Mono punika kateges Sejatine Mono ?.

Romo : Kuwi kari sakresane olehe mangerteni. Lungguhe sing bener aja Mung nanggapi bleger bae. Yen ragane padha.

Aja mung nanggapi bleger wae. Yen ragane padha. Iki mengko karep misahake

Wujud lan jeneng. Misahake bleger manungsa lan sabdane. Gamblange, Semono kuwi dudu raga kang katon dinulu. Semono kuwi jeneng. Jeneng kuwi ora katon (Abstrak). kang katon iku arane : manungso.

Putro : Asalipun tembung puniko saking pundi?

Romo : Kabeh tembung - aran- jeneng lan muna muni iku asale saka rasa. Mula yen goleki lungguhe, kudu digulung. Ateges mbalekake asale

Putro : Punapa Ta paedahipun permati ing tembung basa ?

Romo : Iki pangerten ngungak ungak jatine. Amarga tembung mau nuduhake asale ana ( UNI ). Dumadi saka rasa arsa gelar.

Putro : Nanging sarehne pangerten punika pinanggihipun amargi saking tapsir,

Punapa malah mboten badhe kalorop ing pangotak atik ?

Romo : Bener. Mula gulunge. Aja gelare. Yen nggelar kuwi tapsir. Kabeh aran lan jeneng sing ngarani wong urip. Asale saka rasa. Mula yen nglungguhake kudhu dibalekake asale.

Tembung dibalekake kuwi Gulunge.

Dadi tembung-embung jeneng-jeneng, aran-aran lan sapanunggalane kuwi asale saka

wong urip. Tegese URIP dewe sing ngarani (maringi sebutan, jeneng, aran lan liya-

liyane) Mula yen arep nggoleti lungguhe kudu dibalekake asale (digulung). Asale saka

wong urip dadi iya kudu dibalekake marang wong urip. Umpamane tembung

MONO. Endi ta lungguhe MONO ing raga ? MONO iku tegese siji-tunggal.

Apa sing tunggal lan raga iku URIP. Dadi MONO iku URIP. Iya iku kang

murbawasesa

Jumat, 10 Desember 2021

ASMA - JENENG - NAMA - ARAN

# WAWAN SABDA tahun 1961, kawiwitan nalika ketemu panjenengane ing daleme kadang Suwarsa Kartadinata jalan Bintara 68 Blok Q IV Kebayoran Baru. dina Selasa Kliwon tanggal 3 - 4 April 1961 wiwit jam 23.00 -05.05. Banjur kasambung ing desa Sejiwan Purworejo, nalika aku tunggal saomah karo panjenengane. Panjenengane lenggah ing sentong wetan, aku ing sentong kulon. Kang duwe bale pomah Ibu timur Tumirin.

8.Putro Panjenengan punika sinten? : Romo : Gumantung kang ngarani.

Putro : Punapa sami kaliyan kula, kanca kanca, kadhang-kadhang kula sarta

para Ingkang sowan?

Romo : Pada. Coba tamatna! Irungku iya mung siji, Mripatku iya mung loro,

Kupingku iya mung loro, Cangkemku iya mung siji. Apa ana kang beda miturut Pandulumu, nganti mijil pitakonan mangkono?

Dadi ragane Semono kuwi pada. Ora ana bedane karo manungsa urip liyane.Dene kang marakake beda kuwi sabdane. Sabdane SEMONO.Dudu sabdane raga (waca : dudu sabdane pak Semono). SEMONO tegese Sejatine MONO. MONO tegese ESA. Dadi tembung sabdane MONO kuwi tegese sabdane ESA. Mula ora ana manungsa liyane kang wis tahu urip lan kang urip sarta kang bakal urip, bisa ngembari. Awit kabeh ana lan kang ora ana iki kabeh kawengku lan diwengku dening MONO (duweke MONO).

Putro : Kapareng kula nyuwun priksa asma panjenengan?

Romo : Yen aran : iki manungsa urip:

Yen nama aku iki pak Semono

Yen jeneng :Semono.

Yen asma : Herucakra.

Panjenengan Ingsun :Herucakra Semono.

Bedane Asma - jeneng - Nama - Aran iki tumrap aku dadi pangerten anyar. Maune daksengguh pada (synonym). Mula kagem peling para Putro, yen pinuju lenggah sowan Romo sing ati-ati migunakake tembung. Sebab tumrap Romo, kabeh tembung kuwi ana lungguhe dewe dewe.

10.

Putro : Punapa wonten bedanipun ing antawisipun Asma, Jeneng, Nama Aran? Romo : Kabeh tembung kudu ana-anane. Kudu krasa ana. Kudu ana wujude.

Kudu nyata.

11.

Putro : Asma punika lenggahipun punapa ?

Romo : Asma kuwi tegese Asale Manunggal. Dadi Asale Gelar Ana (Sir).

*Asma saka tembung As lan Ma.*

12.

Putro : Jeneng kaliyan Nama bedanipun lenggah ing pundi ?.

Romo : Jeneng kuwi jumenenge,lungguhe dat. Nama kuwi nunggale mani. Tegese gelare wis ana. Lungguhe sipat. Dadi wadahe Sir lan Dat. Utawa Sir - Dat. Manunggal sipat.

Mungguh gamblange pangerten Asma tekan Nama kuwi mengkene : Sir Manunggal Dat, Sir--Dat, Manunggal Sipat dadi Nama. Dadi Liput Linipudan. Mula gelare pangerten njaba karan (Synoniem). Mung wae lungguhe beda. Dadi padha nanging iya ora padha.

Putro : Sir punika punapa ? Dat punika punapa ? Sipat punika punapa ?

Romo : Sir kuwi obahe utawa kuasane URIP. Dat lungguhe URIP, gemblenge tetepe. Sipat kuwi gelare URIP.

Putro : Manawi makaten Asma - jeneng - Nama lan Aran wau lampahe URIP

piyambak.

Romo : Iya. Mula langgeng. Tegese tan owah gingsir. Tegese tetep ana.

Bukti lamun lakune Urip dewe iya iku : Asma - jeneng - nama- Aran tetep langgeng

, sanajan wujud wis ora ono. Umpamane raga wis mati, jeneng isih kinocapake

Putro : Aran punika punapa ?.

Romo : Aran lungguhe wujud. Dadi Sir, Dat, sipat wis Manunggal lan Wujud.

Aran saka Aksara Ha-Ra-Na yen tinulis nganggo aksara Jawa. Lungguhe PangertenHanane rasa nunggal. Pangerten iki adedasar Uni kuwi nggawa bentuk.